Proxecto Agroemprega

Visitas de Formación

2012-02-14T10:32:00.002+01:00

Dentro do programa do proxecto AGRO-EMPREGA está contemplado a realización de visitas formativas a explotacións hortícolas. Nestas xornadas preténdense abordar diversos aspectos do funcionamento deste tipo de empresas, entre os que cómpre destacar, entre outros, os seguintes:

Visión persoal sobre o sector do propietario/a da explotación
Observación in situ das instalacións e producións
Canais comerciais utilizados

A primeira destas actividades, e á que corresponden as imaxes que se xuntan, foi realizada o 08/02/2012, na cal un grupo dos alumnos do curso tivo a ocasión de visitar unha explotación hortícola na parroquia de Santa Marta de Babío, no concello de Bergondo.

Comezo das prácticas

2012-01-20T08:51:00.000+01:00

O martes 17/01/2012 derón comezo as clases prácticas na finca experimental da parroquia de Sta. Mª de Vigo (Cambre). Nestas primeiras xornadas, explicáronse os conceptos básicos para a toma de mostras de solo así como para a determinación in situ da clasificación textural, do contido en materia orgánica e do nivel de acidez do solo.

Ademáis, iniciouse a plantación de sementeiros para a súa posterior utilización productiva tanto baixo cuberta como ao aire libre.

Comezo do Curso

2012-01-10T17:22:00.006+01:00

O luns 9 de xaneiro deron comezo as clases teóricas correspondentes a cada un dos grupos do curso. Nestas primeiras xornadas de traballo procedeuse á presentación de profesorado e titor de apoio así como a dar conta das diretrices básicas a seguir polos alumnos. Por outra parte, ademáis de comezar a impartirse os contidos teóricos propios do programa, levouse a cabo unha visita á finca de prácticas.

O proxecto Agro-emprega abrangue a un total de 100 persoas en situación de desemprego repartidos en 3 grupos de formación teórico-práctica a impartir en diferente horario e días da semana coa finalidade da maior adaptación posible ás circunstancias particulares de cada alumno.

2011-12-01T12:09:00.011+01:00

A ASOCIACIÓN DE DESENVOLVEMENTO RURAL MARIÑAS-BETANZOS

A Asociación de Desenvolvemento Rural “Mariñas – Betanzos” tense constituido no mes de xullo do ano 2008 como Grupo de de Desenvolvemento Rural coa finalidade de ser núcleo de integración e representación dos diferentes axentes territoriais, institucionais, sociais e económicos tanto públicos como privados, interesados en promover o desenvolvemento do territorio de actuación.

Este programa viría a reforzar o impulso que a Asociación “Mariñas – Betanzos” está desenvolvendo dende o Programa LEADER para apoiar ao sector agrícola e agroindustrial nos nosos concellos. Están en marcha varios proxectos para a mellora da calidade, fomento da innovación, aforro enerxético ou mellora da comercialización, concretándose na elaboración do “Plan Alimentario Mariñas – Betanzos (2011-2014)” que se está a elaborar.

ÁMBITO TERRITORIAL DE ACTUACIÓN

O Programa AGRO-EMPREGA ten como ámbito territorial de actuación os concellos de Abegondo, Aranga, Arteixo, Bergondo, Betanzos, Cambre, Carral, Cesuras, Coirós, Culleredo, Irixoa, Miño, Oleiros, Oza dos Ríos, Paderne e Sada.
MÁIS INFORMACIÓN
GDR MARIÑAS - BETANZOS
www.marinasbetanzos.com
Tlf.: 981 669 541
info@marinasbetanzos.org